“آپ کو اردو آتی ہے؟”

اس کی آنکھوں میں آئے آنسو بتا رہے تھے کہ وہ اس سوال کا جواب صرف “جی/ہاں” میں سننا چاہتی تھی۔

میں اپنی روٹین میں ہفتہ وار گروسری کے لئے قریبی قصبہ کی سپر مارکیٹ میں ملھن کی اقسام پہ غور کرتے ہوئے سوچ رہی تھی کہاب کی بار ذرا تبدیل کر کے دیکھتی ہوں۔ گائے کے دودھ سے بنے مکھن کے ذائقہ میں کتنا ہی فرق ہوگا، ایک کمپنی سے دوسری کمپنیمیں؟ کیا صرف نام کا فرق ہوتا ہے؟

خود سے باتیں کرتے، میں نے کالے سے پُرانے برقع میں لپٹی ایک خاتون کو دیکھا جو گم سُم کھڑی تھیں۔ یہ چھوٹا سا ٹاؤن مقامیلوگوں (انگیریزوں) کی اکثریت کا ہے اور بہت ہی کم کوئی دیسی چہرہ نظر آتا ہے۔ مجھ سمیت تین یا چار ہی دوسرے انڈین یاپاکستانی نظر آتے ہیں اور ہم اب ایک دوسرے کو پہچان کر دور دور سے مسکرا دیتے ہیں۔ ان خاتون کو البتہ میں نے کبھی نہیںدیکھا تھا۔

اتنے میں میری اور ان کی نظریں ملیں۔ میں نے گھبرا کر سلام کر دیا اور شرمندہ ہو کر نگاہیں نیچی کر لیں کہ وہ کیا سوچ رہی ہوں گیکہ میں ان کو کیوں گھورے جا رہی تھی۔ مگر وہ تو جیسے سلام کے ہی انتظار میں ہی تھیں۔ تقریباً دوڑتے ہوئے میرے پاس آئیںاور پوچھا۔۔

“آپ کو اردو آتی ہے؟”

ان کا لہجہ سرائیکی تھا۔ ان کی آنکھوں میں ٹھہرے آنسو کہہ رہے تھے کہ جواب بس ہاں میں ہو۔ میں نے ہنستے ہوئے کہا جی آتیہے۔

“میرا نام زہرا ہے۔ آپ کو کوئی مدد چائیے؟”

وہ مجھ سے شاید کچھ سال ہی بڑی ہوں یا شاید ہم عمر مگر ان کے گندمی چہرے پہ جیسے کچھ سال رک سے گئے تھے۔ اپنے ہاتھوںمیں تھامے شاپنگ بیگز زمین پہ رکھ کر اپنے برقع کی جیب سے چھوٹا سا بٹوہ نکالا اور کہا۔۔

“مجھے جو کچھ لینا ہے، میں ان کو دیکھ کر تو بتا سکتی ہوں کہ کس کمپنی کی بنی ہیں مگر نام نہیں لے سکتی۔ پڑھی لکھی نہیں ہوںناں۔۔۔مطلب ان پڑھ بھی نہیں ہوں مگر انگلش نہیں پڑھ سکتی۔”

میں نے کہا “آپ یہاں سکپٹن میں رہتی ہیں کیا؟ آپ کو کبھی دیکھا نہیں۔”

میرا سوال جیسے انہوں نے سُنا ہی نہ ہو۔ عذرا جو بھکر کے پاس کسی گاؤں سے آئی تھیں، ڈرتے ڈرتے کہنے لگیں۔۔

“اگر آپ میرے ساتھ خریداری کروا دیں تو بڑی مہربانی ہوگی”

میں ان کو ترتیب وار مختلف aisles میں لے گئی۔ ہم نے ڈیری سے شروع کیا۔ ان کو پتہ تھا کہ ان کو کون سی کمپنی کا دودھ یا دھییا مکھن لینا ہے۔ وہ گائے کی تصویر کے رنگ سے سب پہچان رہیں تھی۔ میں ان کی ٹرالی میں جگہ بناتی جارہی تھی اور ساتھ ساتھاپنی خریداری بھی کر رہی تھی۔

میں نے عذرا سے دوبارہ پوچھا۔۔

“آپ کیا یہاں ہی رہتی ہیں؟”

جس کے جواب میں اس نے ایک ٹھنڈی آہ بھری اور بتایا۔۔

“ہاں یہاں ہی رہتی ہوں”

میں نے کہا کبھی دیکھا نہیں آپ کو تو اس لیے پوچھا۔ وہ چپ چاپ چیزیں لے رہیں تھی۔ جب ہم آخری aisle میں پہنچیں توانہوں نے مجھے جھجکتے ہوئے کہا۔۔۔

“آپ کس دن یہاں آتی ہیں؟”

میں نے بتایا کہ کوئی دن مقرر نہیں ہے، جب جس چیز کی ضرورت ہو آ جاتی ہوں۔ اب کرونا اور لاک ڈاؤن کی وجہ سے یہی تو باہرکی دنیا سے رابطہ ہے۔ وہ مسکرائی اور کہا۔۔

“ہاں یہ کرونا بہت بڑی نعمت ہے”

میں نے حیرت سے عذرا کی طرف دیکھا اور کچھ نہ سمجھتے ہوئے چُپ ہوگئی۔

کاؤنٹر کے پاس جا کر انہیں بتایا کہ اس لائن میں آپ کسٹمر اسسٹنٹ کی مدد لے سکتی ہیں اور اگر خود ادائیگی کرنی ہے تو وہ سیلفسروس ہے، وہاں آپ چیزوں کو سکین کرتی جائیں گی اور آخر میں کارڈ سے پے کر دیجیے گا۔ عذرا بہت خوش ہوئیں اور کہنے لگی۔۔

“مجھے زبان نہیں آتی۔ اگر آپ مجھے بتا دیں کہ سیلف سروس کیسے ہوتی ہے تو مجھے کسی سے بات نہیں کرنی پڑے گی۔ آج تو آپمل گئیں، ہر دفعہ تو ایسا نہیں ہوگا۔ مجھے ایک دفعہ سمجھا دیں، مجھے چیزیں یاد رہتی ہیں۔”

میں نے کہا کہ چلیں میں پہلے اپنی ادائیگی کرتی ہوں اور پھر آپ کی تاکہ آپ دو دفعہ دیکھ لیں۔

میں چیزیں سکین کرتی گئی اور عذرا بہت غور سے دیکھتی رہیں۔ جب میں نے اپنی خریداری بیگز میں ڈال دی تو عذرا نے کہا۔۔

“میں آپ کو زیادہ تکلیف نہیں دینا چاہتی۔۔۔بس آخری پانچ منٹ۔ آپ مجھے دیکھتی جائیں کہ میں ٹھیک کر رہی ہوں یا نہیں۔”

میں نے کہا “مجھے کوئی دِقت نہیں۔۔۔آپ سکین کرنا شروع کریں”۔ وہ اپنی چیزیں سکین کرنا شروع ہو گئیں۔ اُس سامان کی مقدارسے لگ رہا ہے تھا کہ ان کا خاندان کافی بڑا ہے۔ میں ان کی سامان رکھنے میں مدد کرتی جارہی تھی۔ جب سارا سامان ہو گیا تو انکارڈ سے ادائیگی کا طریقہ سمجھایا اور ہم سامان کی ٹرالیاں لے کر باہر آگئے۔

میں نے پوچھا “آپ کا گاڑی کہاں ہے؟”

کہنے لگیں۔۔

“میں پیدل آئی ہوں۔ یہاں پاس میں ہی گھر ہے۔”

ان کا سامان بہت زیادہ تھا۔ میں نے کہا کہ ہم چھوڑ دیتے ہیں۔ عذرا مسکراتے ہوئے کہنے لگی۔

“نہیں، میں خود چلی جاؤں گی آرام آرام سے، رُکتے رُکتے۔ یہ کرونا بڑی نعمت ہے۔ جب سب بند ہوگئے تو میں آزاد ہوگئی۔ میرےسسرال میں سے اب کوئی ضرورت کے علاوہ باہر نہیں نکلتا۔ ساری خریداری میں ہی کروں گی اب سے۔ پچھلے 12 سال سے میںکبھی دھوپ لینے کے لئے بھی باہر نہیں نکلی تھی۔ بس زیادہ سے زیادہ پچھلے صحن میں کوڑا پھیکنے چلی گئی یا جب کوڑے والا ٹرک آیاتو کوڑے کا ڈرم اندر اور باہر رکھنے۔ میں بڑی خوش ہوں طاہرہ باجی اس کرونا سے۔ اللہ کرے یہ پابندی تب تک ختم نہ ہو جب تکمجھے انگلش نہ آ جائے۔ دیکھیں ناں زبان تو بولنے سے ہی آتی ہے۔ مجھے بڑا اچھا لگا آپ سے مل کر۔ شکر ہے آپ نے میری مددکی۔ میں آپ کے آنے سے پہلے 20 منٹ کھڑی رہی کہ کہاں سے شروع کروں۔”

میں نے مسکراتے ہوئے کہا۔

“میرا نام طاہرہ نہیں زہرا ہے۔ اور اب میں بھی دعا کروں گی کہ کرونا تب تک ختم نہ ہو جب تک آپ انگلش نہ سیکھ لیں”

پسِ تحریر: مجھے آج مئی 2020 کے بعد عذرا پھر نظر آئیں۔ ان کا برقع وہی پرانا سا تھا، مگر چال میں اعتماد تھا۔ مجھے ماسک سے بھیانہوں نے پہچان لیا اور “طاہرہ باجی۔۔ طاہرہ باجی” کہتی ہوئی مجھ سے لپٹ گئیں۔ پھر ہم نے اکٹھے گروسری کی، البتہ عذرا کو ہراس برانڈ پہ اعتراض تھا جو میں خرید رہی تھی۔ وہ کسی ماہر کی طرح مشورے دے رہی تھیں۔