بھارتی حکومت نے مقبوضہ جموں کشمیرمیں وشنو دیوی کے مندر کے قریب ہندوستانی افسانوں ، خاص طور پر رامائن اور مہا بھارت کی نمائش کے لئے ڈزنی لینڈ طرز کا تھیم پارک بنانے کا فیصلہ کیا ہے-
بھارتی خبر رساں ادارے ٹائمز ناؤ کی ایک رپورٹ کے مطابق ، کیترا تھیم پارک کا مقصد تعلیم اور تفریح کو جوڑنا ہے۔
سینئر سرکاری عہدیداروں نے کہا کہ علاقے کی ترقی کی کوشش سیمنٹ بنانے والی فیکٹریوں کی تعمیر سے نہیں ہوگی بلکہ انوکھے طریقے استعمال کر کے ہوگی۔
کیترا تھیم پارک کا مطلب ہے کہ لگ بھگ 500 کروڑ روپے کی سرمایہ کاری ہوگی اور اس کے لئے ڈزنی جیسے انٹر نیشنل ساتھی کی تلاش کی جا رہی ہے۔
نیشنل نیوز چینل نے رپوٹ میں کہا کہ چونکہ تھیم پارک وشنو دیوی مندر کے قریب ہوگا (یہاں تین مجوزہ مقامات ہیں ، جن میں سے ہر ایک قریب ہے) ، جو ہر سال 8 ملین سے زیادہ زائرین کو راغب کرتا ہے ، ہر سال یہاں بڑی تعداد میں زائرین آئیں گے تو تھیم پارک ہر روز سیکڑوں عقیدت مندوں کی توجہ کا مرکز بن سکتا ہے۔
مرکز کی معاونت کے ساتھ ، مقبوضہ جموں کشمیر حکومت نے اس منصوبے میں غیرملکی شراکت دار کی تلاش شروع کردی ہے۔ حکومتی ذرائع نے بتایا کہ ، کوشش ہے کہ ایک طاقتور مکی ماؤس کے بغیر ڈزنی لینڈ لیکن رام اور سیتا اور کرشنا اور ارجن پر مشتمل ایک عالمی معیار کا تھیم پارک بنایا جائے –
Facebook Comments
بذریعہ فیس بک تبصرہ تحریر کریں