سعودی عرب نے حج کیلئے 3 پیکجز کا اعلان کر دیا

جدہ: سعودی عرب نے حج پالیسی کے بعد عازمین کے لیے تین حج پیکجز کا اعلان کر دیا۔

سعودی خبر رساں ایجنسی کے مطابق سعودی وزارت حج و عمرہ نے رواں سال صحت وضوابط اور کورونا ایس او پیز کو مدنظر رکھتے ہوئے 3 حج ‏پیکجز کی منظوری دی ہے۔

tripako tours pakistan

احتیاطی تدابیر اختیار کرنے کی وجہ سے حج پیکجز کی قیمتوں میں بھی اضافہ کر دیا گیا ہے۔ پہلا حج پیکج گیسٹ عوامی خیمہ ہے جس کی فیس 12 ہزار 113 ریال فی کس (پاکستانی ساڑے 5 لاکھ سے زائد) رکھا گیا ہے۔

دوسرا حج پیکج گیسٹ اسپیشل کے نام سے ہے جس کی فیس 14 ہزار 381 ریال فی کس (پاکستانی 6 لاکھ سے زائد) رکھا گیا ہے جبکہ تیسرا حج پیکج گیسٹ ‏اسپیشل ٹاور ہے جس کی فیس 16 ہزار 560 ریال فی کس (پاکستانی 6 لاکھ 90 ہزار روپے سے زائد) رکھی گئی ہے۔ اس میں ٹیکسز اور قربانی کی رقم شامل نہیں کی گئی ہے جو عازمین کو الگ سے ادا کرنے ہوں گے۔

سعودی وزارت حج وعمرہ کا کہنا ہے کہ پیکجز میں تمام خدمات پابندی کے ساتھ فراہم کی جائیں ‏گی۔

سعودی حکومت نے حج کی اجازت صرف ان افراد کو دی ہے جن کی عمر 18 سے 65 سال کے درمیان ہو اور بچوں کو ساتھ لانے کی اجازت نہیں ہو گی۔

حج کے لیے آنے والے عازمین کی تندرست ہونے چاہئیں اور وہ کسی قسم کے وبائی مرض میں مبتلا نہ ہوں جبکہ عازمین کے لیے کورونا ویکسین بھی لازمی قرار دی گئی ہے۔

ایسے افراد بھی حج کی رجسٹریشن کے حقدار ہوں گے جنہوں نے گزشتہ 5 سالوں میں حج ادا نہ کیا ہوا۔ حج کے لیے خواتین کو بغیر محرم کے لیے بھی رجسٹریشن کرانے کی اجازت دی گئی ہے۔

واضح رہے کہ وزارت حج و عمرہ نے رواں سال حج کے خواہش مند مقامی اور مقیم غیر ملکیوں ‏کی رجسٹریشن کے پہلے مرحلے کا اعلان کرتے ہوئے ویب سائٹ جاری کی ہے۔

حج سے متعلق ویب سائٹ پر پہلے مرحلے کے لیے رجسٹریشن کا آغاز 13 جون سے ہوگیا ہے اور ‏رجسٹریشن کا یہ عمل 23 جون کو رات 10 بجے تک جاری رہے گا جبکہ رجسٹریشن کے دوسرے مرحلے کا آغاز 25 جون سے کیا جائے گا جس میں عازمین کی فائنل لسٹ تیار کی جائے گی۔

Advertisements
merkit.pk

حج کے لیے ان لوگوں کو ترجیح دی جائے گی جنہوں نے اس سے قبل حج ادا نہ کیا ہو۔ وزارت کا مزید کہنا تھا کہ اس مرتبہ 60 ہزار عازمین، حج ادا کریں گے جس کا آغاز جولائی کے درمیان میں شروع کر دیا جائے گا۔

  • merkit.pk
  • merkit.pk

خبریں
مکالمہ پر لگنے والی خبریں دیگر زرائع سے لی جاتی ہیں اور مکمل غیرجانبداری سے شائع کی جاتی ہیں۔ کسی خبر کی غلطی کی نشاندہی فورا ایڈیٹر سے کیجئے

بذریعہ فیس بک تبصرہ تحریر کریں

Leave a Reply