کینیڈا میں مسلمانوں کے خلاف دہشتگردانہ کارروائی میں ٹرک ڈرائیور نے پاکستانی مسلمان خاندان کو ٹرک سے روند دیا۔

کینیڈین صوبے اونٹاریو کے شہر لندن میں یہ خوفناک سانحہ پیش آیا، جہاں ایک ہی خاندان کے 4 افراد ہلاک ہوگئے۔ جاں بحق افراد میں 3 خواتین بھی شامل ہیں۔ واقع میں 9 سالہ بچہ شدید زخمی ہوا ہے، جس کی حالت تشویشناک ہے۔

مرنے والوں میں 46 سالہ آدمی کے ساتھ 74 ماں، 44 سالہ بیوی اور 15 سال کی بیٹی شامل ہیں۔ کینیڈین پولیس کے مطابق واقعہ مذہبی نفرت پر مبنی ہے، حملہ آور نے جان بوجھ کر پاکستانی خاندان کو نشانہ بنایا۔

کینیڈین وزیراعظم جسٹن ٹروڈو کا کہنا ہے کہ اونٹاریو واقعے نے انہیں ہلا کر رکھ دیا ہے، کینیڈا میں اسلاموفوبیا کے لیے کوئی جگہ نہیں، اس نفرت کو ختم کرنا ہوگا۔ انہوں نے کہا ہم متاثرہ فیملی کے ساتھ کھڑے ہیں۔

To the Muslim community in London and to Muslims across the country, know that we stand with you. Islamophobia has no place in any of our communities. This hate is insidious and despicable – and it must stop.

— Justin Trudeau (@JustinTrudeau) June 7, 2021

خاندان کو ٹرک سے روندنے والا 20 سالہ دہشتگرد مذہبی تعصب میں مبتلا تھا، جسے پولیس نے فوری طور پر گرفتار کرلیا ہے۔ مئیر انٹاریو کا کہنا ہے کہ نفرت اور اسلاموفوبیا پر مبنی واقعہ ناقابل قبول ہے۔

کینیڈا میں پاکستانی ہائی کمیشن نے پاکستانی نژاد شہریوں کے قتل کے واقعہ پر اظہار افسوس کرتے ہوئے، صوبائی اور وفاقی حکومتوں سے تحقیقات کا مطالبہ کیا ہے۔

Advertisements

Pakistan High Commission offers deepest condolences on tragic deaths of four persons of a Canadian family of Pakistani origin in London, ON. The provincial and federal governments have been requested for facts of the case as well as stern action against the perpetrator(s). pic.twitter.com/6NRYnkPbs5

— Pakistan High Commission Canada (@PakinCanada_) June 7, 2021

کینیڈا میں اس سے پہلے بھی مسلمانوں کے خلاف دہشتگرادنہ کارروائی ہو چکی ہے، 2017 میں کیوبک میں دہشتگرد نے مسجد کے 6 ارکان کو گولیوں کا نشانہ بنایا تھا۔