• صفحہ اول
  • /
  • خبریں
  • /
  • نائیکی کا ‘انسانی خون’ سے ’شیطان کے جوتے‘ بنانے والی کمپنی پر مقدمہ

نائیکی کا ‘انسانی خون’ سے ’شیطان کے جوتے‘ بنانے والی کمپنی پر مقدمہ

جوتے بنانے کی مشہور کمپنی نائیکی نے پیر کو نیویارک کی ایک کمپنی پر ‘شیطان کے جوتے’ بنانے پر مقدمہ درج کرا دیا ہے۔ ان جوتوں میں مبینہ طور پر انسانی خون کا قطرہ شامل کیا گیا ہے۔

خبر رساں ادارے روئٹرز کے مطابق نیو یارک کی کمپنی نے یہ جوتے ‘اولڈ ٹاؤن روڈ’ کے ریپر لل ناس ایکس کے اشتراک سے بنائے ہیں۔

tripako tours pakistan

مقدمے میں نائیکی نے اعتراض  کی وجہ بیان کرتے ہوئے کہا ہے کہ ایم ایس سی ایچ ایف پروڈکٹ سٹوڈیو ان کارپوریشن نامی کمپنی نے ان جوتوں پر نائیکی کا سگنیچر نشان بنا کر نائیکی کا نام خراب کیا ہے۔

یہ جوتے پیر کو فروخت کے لیے دستیاب کیے گئے تاہم للناس ایکس کو اس مقدمے میں مدعا علیہ کے طور پر نامزد نہیں کیا گیا۔  

محدود ایڈیشن کے ان جوتوں کے 666 جوڑوں کے بارے میں ایک ویب سائٹ پر لکھا گیا ہے کہ یہ جوتے نائیکی ایئر میکس 97 سنیکرز کی طرز پر بنائے گئے ہیں جن میں لال سیاہی اور  ‘انسانی خون کا ایک قطرہ’ شامل ہے۔

ایک جوتے کے نیچے ‘ایم ایس سی ایچ ایف’ لکھا ہے اور دوسرے کے نیچے ‘لل ناس ایکس’ تحریر ہے۔

کچھ میڈیا کے مطابق یہ جوتے ایک منٹ کے اندر اندر بک گئے تھے اور ان کی ایک جوڑی کی قیمت ایک ہزار 18 ڈالر تھی۔

اپنے ٹوئٹر پر للناس ایکس کا کہنا تھا کہ وہ جوتوں کی 666 ویں جوڑی حاصل کرنے والوں کو ان سوشل میڈیا صارفین میں سے چنیں گے جو ان کے ٹویٹس کو پھیلائیں گے۔

نیویارک کی وفاقی عدالت میں دائر مقدمے میں نائیکی کا کہنا ہے کہ یہ جوتے ‘نائیکی کی منظوری اور اجازت کے بغیر’ بنائے گئے تھے اور نائیکی ‘اس پراجیکٹ کے ساتھ کسی طرح منسلک نہیں ہے’۔

Advertisements
merkit.pk

للناس ایکس اور ایم ایس سی ایچ ایف نے اس پر فوری کوئی بیان نہیں دیا۔

  • merkit.pk
  • merkit.pk

خبریں
مکالمہ پر لگنے والی خبریں دیگر زرائع سے لی جاتی ہیں اور مکمل غیرجانبداری سے شائع کی جاتی ہیں۔ کسی خبر کی غلطی کی نشاندہی فورا ایڈیٹر سے کیجئے

بذریعہ فیس بک تبصرہ تحریر کریں

Leave a Reply