چڑیا گھر میں آئی ایک نئی مخلوق پنجرے میں بند تھی۔
لمبی لمبی ٹانگوں پر کھڑا ہوا وجود،
دو ہاتھ اور ہر ہاتھ میں لمبی لمبی پانچ انگلیاں،
ہر انگلی کے سرے پر چھوٹا سا ناخن،
دو چھوٹے چھوٹے کان،
سر پر بہت سارے بال،
سر کے نیچے لمبی سی ناک،
ناک کے نیچے منہ،
منہ کے نیچے چھوٹی سی گردن اور اس کے نیچے لمبائی کی صورت میں اس کا سارا جسم،
بالکل کسی انسان کی طرح۔
قریب ہی ایک تختی پر لکھا تھا:
“محتاط رہیں! نہایت مہلک اور خطرناک زہر، اس جانور کے منہ میں پایا جاتا ہے۔”