تبدیلی (سو الفاظ کی کہانی)۔۔ سیف الرحمن ادیؔب

“میں ملک سے غربت ختم کر دوں گا۔”
میں نے کرسی پر بیٹھنے سے پہلے رسمی وعدہ کیا اور بعد میں پورا بھی کر کے دکھایا۔
پانچ سالوں میں بہت کچھ دیکھنے کو ملا۔
مہنگائی کو آسمان چھوتے ہوئے،
غریب کو پھندے پر لٹکتے ہوئے،
بھوکے کو زہر کھاتے ہوئے،
کسی مجبور کو خود سوزی کرتے ہوئے اور
ملک کا بیڑہ غرق ہوتے ہوئے دیکھتا رہا۔
پانچ سال بعد جب کرسی سے اترا تو حیرت انگیز طور پر میرا وعدہ پورا ہو چکا تھا۔
پورے ملک سے غربت کا تصور تک  ختم ہو چکا تھا اور
غریب کا وجود بھی!

سیف الرحمن ادیؔب
سیف الرحمن ادیؔب
سیف الرحمن ادیؔب کراچی کےرہائشی ہیں۔روزنامہ”اسلام“میں انکی سوالفاظ کی کہانیاں شائع ہوتی رہتی ہیں۔فیسبک پر ان کاایک پیج ہےجس پر150 سےزائد سو الفاظ کی کہانیاں لکھ چکے ہیں۔اس کے علاوہ ان کی سو الفاظ کی کہانیوں کا ایک مجموعہ "اُس کے نام" بھی پی ڈی ایف کی صورت میں شائع ہو چکا ہے۔

بذریعہ فیس بک تبصرہ تحریر کریں

براہ راست تبصرہ تحریر کریں۔

Your email address will not be published. Required fields are marked *