آپ ولی نعمت ہیں۔۔ڈاکٹر ستیہ پال آنند

میر جملہ ہیں جناب
آپ ولی نعمت ہیں
اور میں آپ کی پرجا ہوں
رعایا ہوں ، فقط باج گذار
آپ کے خیل و حشم میں ہوں
مرے ان داتا

دیکھیے میری طرف ، عالی جاہ
(جیسا کہ آپ کا فرمان ہے، ہاری کے لیے)
آپ کے سامنے شرمندہ کھڑا ہوں، مالک
جوتا منہ میں لیے
اور سر کو جھکائے ہوئے میں
تن پہ میرے؟
نہیں کچھ بھی نہیں، بندہ نواز
اک فقط کُرتا ہے، پاجامہ ہے
پاؤں ننگے ہیں کئی برسوں سے
عمر میری؟۔۔۔۔۔۔
نہیں، ساٹھ نہیں، عالی جاہ
صرف چالیس ہے، اک دو برس شاید کم ہو
نچلے طبقے سے ہوں
اسفل ہوں، فرو مایہ ہوں
پیٹ پچکا ہوا ، مردُود سا سینہ ہے مرا
اس لیے ساٹھ کا لگتا ہوں ضرور ۔۔۔۔۔

FaceLore Pakistan Social Media Site
پاکستان کی بہترین سوشل میڈیا سائٹ: فیس لور www.facelore.com

بندہ پرور
فقط اتنی ہی ’عرضی‘ ہے مری
اس کٹائی پر مرے پاس نہیں ہے کچھ بھی
بیوی کو فوت ہوئے
اب تو کئی برس ہوئے
ایک بیٹی تھی
جسے آپ کے کارندوں نے
کچھ برس پہلے اُٹھایا تھا
مری جھونپڑی سے
میں نہیں جانتا
مر کھپ گئی ہو گی اب تو
اب تو یہ جسم ہے
اور ہاتھ میں اک چاقو ہے

Advertisements
julia rana solicitors

لیجیے، یہ ہے مرا پیٹ
یہ آنتیں میری
آپ کے پاؤں پکڑتا
ہوا یہ خون مرا
اور چاقو بھی مرے ہاتھ سے لیں۔۔۔
میر ِ جملہ ہیں جناب، آپ ولی نعمت ہیں۔

  • merkit.pk
  • julia rana solicitors
  • FaceLore Pakistan Social Media Site
    پاکستان کی بہترین سوشل میڈیا سائٹ: فیس لور www.facelore.com
  • julia rana solicitors london

ستیہ پال آنند
شاعر، مصنف اور دھرتی کا سچا بیٹا

بذریعہ فیس بک تبصرہ تحریر کریں

Leave a Reply